Plaid Cymru Dwyfor Meirionnydd Liz Saville Roberts AS a Mabon ap Gwynfor AS

Aelodau Plaid Cymru yn dewis Mabon ap Gwynfor i frwydro Etholiad Cynulliad 2021 yn Nwyfor-Meirionnydd 

Mabon yn addo 'ail-gipio' Dwyfor-Meirionnydd i'r Blaid

Mae aelodau Plaid Cymru yn Nwyfor-Meirionnydd wedi dewis Mabon ap Gwynfor fel eu hymgeisydd er mwyn ail-gipio Dwyfor-Meirionnydd yn 2021.

Daw'r newyddion yn dilyn cyfarfod ddewis ym Mhwllheli heddiw.

Yn dilyn cael ei ddewis, dywedodd Mabon ap Gwynfor:

"Rwy'n ddiolchgar i aelodau'r Blaid yn Nwyfor-Meirionnydd am roi eu hyder ynof fel eu hymgeisydd i ad-ennill yr etholaeth hon i Blaid Cymru a helpu'r Blaid i ffurfio Llywodraeth nesaf Cymru.

"Mae'n gyfnod cyffrous i Blaid Cymru. Rydym yn cynnig gweledigaeth sy'n cynnig y dyfodol gorau ac mwyaf llewyrchus i bobl Cymru. Rwan mae'n rhaid dechrau ar y gwaith o estyn allan i bobl Dwyfor-Meirionnydd ac adeiladu ar reocrd gryf Plaid Cymru o sefyll i fyny dros yr etholaeth, ein gwerthoedd Ewropeaidd a Chymru."

Ychwanegodd Liz Saville-Roberts AS:

"Rwy'n llongyfarch Mabon ar gael ei ddewis ac yn talu teyrnged i bob ymgeisydd am roi eu hun ymlaen ar gyfer yr enwebiad.

"Rhaid i ni wneud pob dim i sicrhau fod Mabon yn cael ei ethol fel Aelod Cynulliad Plaid Cymru  nesaf Dwyfor-Meirionnydd ac ad-ennill yr etholaeth i Blaid Cymru.

"Rwy'n edrych ymlaen i weithio ochr yn ochr a Mabon er mwyn cymryd ein neges blaengar o obaith ac uchelgais i'n cymunedau ac ymgyrchu i sicrhau fod Plaid Cymru yn ffurfio Llywodraeth nesaf Cymru yn 2021."